அகிலபாரத பொதுச் செயலாளர் உட்பட பல நிலைகளில் சங்கத் பொறுப்பு வகித்து பாரத நாடு முழுதும் தொடர்ந்து சுற்றுப்பயணம் செய்தவர். இடைவிடாமல் சமுதாயத்தின் நாடிபிடித்துப் பார்த்து, பெற்றறிந்த செறிவுமிக்க அனுபவமே இவரது எழுத்தின் பின்பலமான சிந்தனை. இவரது சொற்பொழிவுகள் செயல் துடிப்பை நோக்கி உந்துபவை. ஆணித்தரமான கருத்தில், சரளமான நடையில் அமைகிற அழகை இவரது கட்டுரைகளில் காணலாம்.

கன்னடம் மற்றும் ஆங்கிலத்தில் எண்ணற்ற கட்டுரைகளையும், நூல்களையும் இயற்றிய இவர், 1982ல் “தோரு பெரளு” என்ற கன்னடக்க கட்டுரைத் தொகுப்பிற்காக மனிதப் பண்பு வகைக்கான கர்நாடக மாநில ‘சாஹித்ய அகடமி’ விருது பெற்றார். பல்துறை வித்தகரான ஹோ.வே. சேஷாத்ரி அவர்கள் 2005ல் காலமானார்.